الجمعة, أغسطس 7, 2020

تابعنا على

INSTAGRAM

YOUTUBE

اعلانات

ارشيف الموقع

بلال همام

بوست قديم لشاب من الفئة المتوسطة، بيحكي فيه عن عملية نصب اتعرض ليها، بيقول إنه بعد ما اشترى شقة وراح يستلمها لقى الرجل اللي باعله موقفله بلطجي تقيل ومعروف في المنطقة، وبدأ يضربه هو واللى معاه، بحجة إنه ملوش حاجة.

الشاب بيقول، إنه في يوم كان بيسمع مهرجان لحد ما جات الوصلة الأخيرة اللي المغني بيشكر فيها عم فلان وأسطى علان، وفجأة سمع إسم البلطجي اللى ضربه، بيتغناله والناس بترقص على كلامه وبيمجدوا فيه.

حد تاني كتب عن مغني مهرجانات مشهور كان في الأصل بلطجي منطقته، ولما غنى جاب بلطجية صغيرين يمشٌوا شغله القديم في مقابل مبلغ شهري، من وقتها وأنا حاسس المهرجانات دي واللي اخرها وصلات شكر، ممكن فعلا تكون بتمجد في عصابة واحنا مانعرفش.

أنا آسف جدًا للحريات وللذوق الفني، لكن شكلي هيبقى وحش قوي وأنا بدافع عن أشباه مغنيين بيروجوا للبلطجة، أنا ضد المهرجانات اللي بيغنوها، مش كدة وبس، وكمان حاملها وساقيها وشاربها.

 

Tags: , ,

مقالات ذات صلة

No Related Article

0 Comments

Leave a Comment